Chauvinism hmanga Military council-te chet mekna hi a zung chawpin kan nuai chimit dawn tiin Kachin Independent Organization (KIO) President General N’Ban La chuan August ni 10, Kachin Martar-te nia a thusawiah a sawi chhuak a.
Hetia hma kan lakna turah hian Revolution pawl te, Bama mipui te leh tangrual pawl, politic leh raldo pawl te nen kan beiho dawn a ni tiin KIO President General N’Ban La chuan Kachin Social Media hrang hrangah a tar lang.
Military council te hian mipui sawisain an that chiam a, bung-bel, sum leh pai bakah thil hlu thahnem tak an laksak a, heng hi kum zabi 21-naa Facism hmanga mipuite an beihna a ni a, Kachin ramah hian kum 70 chuang fe kan tawng tawh tiin General N’Ban La chuan a sawi.
Military council ten sorkarna an lak hnu hian Military council leh KIA te inkahna a thlen tum hian Kachin mipuite hnen atangin ei leh in, sum leh pai, damdawi chenin kan dawng awl lova. Doctor leh damlo enkawltu mi thiam filawr ten mi vilveng reng a, hei hi thil chhinchhiah tlak, history ropui tak a ni a ni a ti bawk.
Kachin Independent Organization (KIO) te hi kum 1960 October ni 25 khan din a ni a. Kachin Independent Army (KIA) te hi kum 1961-a din an ni thung. Chumi hnuah KIO leh KIA te President hmasa ber GOC Lahtaw Zau Seng chu kum 1975 August ni 10 khan thah a nih avangin August ni 10 hi Kachin Martar Ni tiin mipui ten a ngai hmaih a.
Chuvangin KIO leh KIA te chuan Mit Sung atanga hmar lam zatve hi Northen Region, chhim lam leh Ayeyawadi tuipui tlak lam zatve hi Westhen Region, chhim lam leh Ayeyawadi tuipui chhuah lam zatve hi Easthen Region, Kachin State chhim leh ramri hrul Shan State hmar hi Northen Region tiin hmun 4-a then hran a ni.
