All India Radio News Aizawlin a tar lan dangin India, Mizoram, Aizawl, Public Health Engineering Department (PHE) chuan Aizawl khawpui chawmtu ber Tlawng Luiah tui a kam nasa tih an sawi a, hei vang hian Aizawl khawpuia chhhung tin te chu an tui hman titlem a, tui renchem turin a hriattir a.
PHE department sawi dan chuan Mizoramah thal a na hle a, chumi avang chuan Aizawl mipui rinpui ber Tlawng Lui tui pawh hi a ni telin a kam zel a. Tui hna tlem vang hian ni khata tui litre maktaduai 30 vel pump chhuah thin kha litre maktaduai 24-ah a tla thla tawh a. Tunah hian tuihnain a daih tak ngang loh avangin tui litre maktaduai 20-ah tlak thlak a ngai ta hial a ni a ti a.
Ruah sur lova tui hi a kam zel a nih chuan tui pump theih zat tur hi nasa taka tla hniam tura ngaih niin, chumi pump chhuah theih zat a tlem avang hian tui sem chhuah zat pawh hi a tla hniam zel dawn niin an sawi bawk a ni.
