Sagaing region, Kanbalu District, Thankone huam chhungah May 17 khan Military council sipai pawl 4-ten an luh chilh avangin khaw 30 chuanga tualchhung mipui 30000 chuang an in leh an chhuahsan thu Kyunhla (Chun Hlah) khuaa phusa pawl zinga thuneitu pakhat chuan Yangon Khit Thit Media a hrilh a.
Thankone huam chhung hi Military council sipai Khah Lah Yah (IB) 361/368 pawl te, Le Lu (Le Luh) khuaa Physawhti pawl te, Kanbalu 6006 northern Battalion atangin Military council sipaite leh Phyusawhti-ten pawl 4-a insemin ni khat thil thu-ah an luh chilh thu hriat a ni a.
Kyuhla khuaa a phusa pawl thuneitu pakhat chuan “Thankone huam chhunga tualchhung mipui 30000 chuang an tlanchhia a, hmun danga mi chu tlem te an ni” tiin a sawi a.
Kabo huam chhung, Ku Myo khua atanga chhuak Military council hnuaia sipai 150 rual Khah Lah Yah (IB) 368 operation-ten May 17, zing dar 6 vel khan Thankone huam chhung NgyuangZinGyi khua atangin Minkone khaw lam hawiin ralthuam lian an kap nasa hle a. KyiPinEh khua atanga chhuak Military council hnuaia Khah Lah Yah (IB) Battalion 361, sipai 120 rualten InLeGyi khuaah an lut a, zing dar 9:30 atangin InLeGyi khua atangin tlak lamah an chhuahsan thu hriat a ni a.
LeHla khuaa innghat Phyusawhti pawlte YwaMaYwa (Zua Ma Zua) khua an thleng tawh a, Kanbalu khuaa 6006 atang chhuak Military council sipaite leh Pgyusawhti pawlten zing dar 8:15 khan NgiangInn khua an luh chilh hnuah a tum 3-na atan chenna in an hal chhiat nual thu tualchhung mite hnen atanga hriat a ni..
Kanbalu township-ah April thla leh May thla chhung hian Military council sipaiten chhum lo chat lova an beih nasat avang leh MOCHA thlipui avangin ChatTin huam chhung leh PaDauk khuaah Lawi 18, Bawng 23 an thih bakah Thlam a chhiat nual thu hriat a ni bawk.
