Myanmar Military council-ten kum 2021 February atanga thuneihna an lak hnu khan ralthuam leh hmanraw chi hrang hrang US Dollar maktaduai 1000 chuang man an hralh chhuak tawh nia hriat a ni a. Russia leh China-ten Jet Fighter leh ralthuam tam tak Myanmar-ah an hralh chhuak nual avangin Myanmar hi a thlawpin a tanpui tihna a ni tiin UN human right palai Tom Andrews chuan May 17 khan a sawi a.
“Myanmar Military council-ten Russia siam Mi 35 Helicopter, MIG 29 Jet Fighter, Yak 130 Thlawhna, China siam K-8 Jet Fighter an hmang thin a. Military council-te awpna duh lova dotute awmnaah chenna in, zirna school leh Clinic bakah hmun hrang hrang an bomb chhia a. Heng bakah hian Sagaing region Kanbalu khawpuia naupang 40 leh tualchhung mipui 160 chuang thihna pawh kha Russia siam Yak 130 Thlawhna an hmang” tiin a sawi zui bawk a ni.
Russia-in Dollar maktaduai 406 man leh Chin-ten Dollar maktaduai 267 man hu ralthuam leh hmanraw chi hrang hrang Myanmar Military council-te hnena a tawlh luhnaah Singapore ram hi an pal tlangna hmunpui ber a ni a. Ralthuam leh ralthuam hmanraw chi hrang hrang Dollar maktaduai 267 man hu Singapore atangin Myanmar-ah an tawlh lut thin tiin a sawi zui bawk a ni.
Russia ram thunun mek Rosoboronexprot Company hian Dollar maktaduai 227 man SU 30 Jey Fighter leh MIG 29 indo Thlawhna a tlawh luh angin India, Thai, Singapore ramten Myanmar-ah ralthuam chi hrang hrang an tlawh luh thin thu Myanmar UN human right palai Tom Andrew chuan a report-naah a tar lang a ni.
