Sagaing region, Sagaing township, PaDuTaih circuit-ah May 19 atang khan Military council sipai 100 rualten an luh chilh avangin tualchhung mipui sing khat (10000) chuang in leh lo an tlanchhiatsan thu, tlanchhe zinga miten RFA Media an hrilh a.
Sa himna zawnga tlanchheten ramhnuaiah awm hmun tha an neih loh avanga hrehawm an tih thu Sagaing tualchhung security zinga hming thup pakhat chuan RFA a hrilh a.
“Tunah chuan Military council sipaite awmna atanga a hlatna hmunah khaw 4 lai an tlanchhia a, school-ah te, sakhaw inah te an la awm a. Thenkhatte chu ramhnuaiah leh an khaw chhehvelah an awm hlawm a” tiin a sawi a.
Sagaing region-ah MOCHA thlipui a tleh avangin sa hminna zawng leh tlanchhiate tawmna Thlam a chhe nual a, raltlanten harsatna an tawh nual thu hriat an sawi a.
May 21 tuk khan an awmna Thlam atanga in sawn chhuak Motor che sual avangin PaDu khuaa hmeichhe 1 a boral a, mi 6 an hliam thu PaDu tualchhung mi pakhat chuan RFA Media hnenah heti hian a sawi a.
“Operation an rawn lut a, ThongYin, Khet Kha, TaLaing, ChaungPyu khaw mite an tlanchhe hlawm a, hma nawr thei tawh lovin PaDu leh KanGyi Kone khuaah an tawm a. Raltan tlanchhiate SaMon khuaah Motor che sualin tualchhung nu pakhat kum 25 mi a boral a, mi 6 an hliam” tiin a sawi a.
Sagaing District, Battalion 3-a thuneitu chuan Sagaing hmun hi Military council tan hmun pawimawh a nih angin PDF-ten thunun kan tum avangin a huhoin min bei a ni tiin RFA Media a hrilh a.
“Sagaing township hi Military council tan support-an hmun pawimawh a ni a, PDF-ten thunun kan tum hi an duh lo a ni. He lai PaDu circuit hmun hi Sagaing khawpui atanga darkar chanve vel kalna hlaa awm a ni a, PDF-ten thunun an tumna hi an duh vanga a huhovin min bei a ni” a ti a.
Military council sipai 100 rualten May 19 atang khan KanGyi Kone khua leh KyaukPaNan khuaah an lut a, May 21 khan PaDu khuaah an luh chhunzawm thu tualchhung mi te hnen atanga hriat a ni a.
PaDu circuit hmuna tualchhung mi te an tlanchhiat chungchangah Sagaing region Military council thupuangtu RFA Media-ten an phone-naah chhanna a la awm rih lo a ni.
UNOCHA-ten an chhinchhiah danin Military council-ten thuneihna an lak hnu hian Sagaing region-ah in leh lo tlansan mi nuai 2 leh a chanve chuang an awm tawh thu an tar lang bawk a ni.
