Hman ni lawk atang khan Military council sipai 150 rualten Chin State, Halkha leh Thantlang khaw chhehvel an pan a. CDF-ten an thununna hmuna nia an ngaih Halkha, Thanthlang inkar leh Thantlang khua chu May 25 atang khan Jet Fighter leh Helicopter-in an beih nasat thu CNF/CNA thupuangtu Salai Thet Ni chuan a sawi a.
Halkha-Thantlang khaw inkar Timit phai kiang Lungkhar leh Timit chuanhnuai-ah Military council sipaiten chung lam leh hnuai lam atangin an bei nasa hle tawh a, May 29-a an beih nawn lehnaah CDF-Hakha, CDF-Zophei, CDF-Thantlang leh CNA sipai zinga sipai 9, ram tan an nunna an hlan thu hriat a ni a.
Ram tana nunna hlantute hi Salai Biak Cin Thang, Salai Noah, Salai Samuel, Salai Van Tha Lian, Salai Rechard, Salai Ngun Lian Ceu, Salai Tha Lian Cung, Salai Kyaw Oo leh Salai Ram Uk Ceu te an nih thu hriat a ni bawk.
Military council sipaite hian Thantlang township thunun leh an tum avangin sipai an chhek belh zel a, chung lam leh hnuai lam atangin an la beih nasat zual rin a ni.
