Sagaing region, Kyunhla township, KokkuKone village tract leh HlutTaih village tract-a chenna in 30 an hal chhiat hnuah Khaw 7-a tualchhung mipui 3000 chuang in leh lo an tlansan thu tualchhung miten an sawi a.
Military council sipaite leh Phyusawhti tangrualten May 29,30 khan khawchhung luh chilhin chenna in an hal nual thu Kyunhla khuaa, a phusa pawl zinga thuneitu pakhat chuan RFA Media a hrilh a.
Hetia Military council sipaite leh Phyusawhti tangrualten an beihna avangin Khaw 7-a tualchhung mipuite in leh lo an tlansan nual thu hriat a ni a.
Military council sipaiten khawchhung an chhuahsan tawh hnuah tualchhung mite an kir hlawm thu tualchhung mi pakhat chuan heti hian a sawi a.
“Military council sipaiten khawchhung then fai nan tiin vau kama awm Thlam an hal chhiat nual bakah an bungruate Motor-in an thliar chhuak bawk a, khaw thenkhatah chuan mipuite an kir leh nual a, tlanchhia an la awm nual bawk” tiin a sawi a.
He buaina chungchangah Sagaing region, Military council thupuangtu RFA Media-ten phone hmanga an zawhnaah engmah chhanna a la awm rih lova.
UNO CHA-ten an chhinchhiah dan chuan Military council-ten thuneihna an lak hnu hian tualchhung mipui chenna In (Building) 60000 chuang an hal chhe tawh a, tualchhung mi in leh lo tlansan mi maktaduai 1.5 chuang an awm tawh thu hriat a ni bawk.
