Sagaing region, Mawlaik township, Chindwin tuipui kamah Miliatry council sipaiten an beih bakah civil mi an that thin avangin khaw 14-a tualchhung mi sing khat (10000) chuang, in leh lo an tlansan thu tualchhung miten an sawi a.
May 12 khan Chindwin tuipui chhak lam ThrawTa khuaa Miliatry council sipai leh Phyusawhti police station-te beih an ni a, a chhehvela khaw 14-te chu Military council sipaiten chung lam leh khawmual atangin an beih thu hriat a ni bawk.
May 31 khan TaungDwin khua Buddhist biak in vengtu mi 4 te chu PDF te nen an inhnamhnawih tiin an that a.
Heng bakah hian Chindwin tuipui tlak lam DiPinKaYa Pagoda tlanga buk khuar mek, Military council sipaiten ralthuam lian an kah chhuah nasat avangin tuipui kam leh a chhehvela awm khaw 14-a tualchhung mipui 10000 chuang an tlanchhiat nual thu hriat a ni a.
Hetia Military council sipaiten Thlawhnaa an bomb avangin PhaungPin, KyunHla, Kalaywa, Kalaymyo township leh a chhehvela khuaten an beih rawn nasat thu hriat a ni bawk.
Tualchhunga hming thup pakhat chuan Thlawhnaa min bomb avangin tu mah khawchhungah kan awm ngam lo tiin RFA Media a hrilh a.
Tunah hian TaungIn khuaa Biddhist biak inah Military council sipaiten bu an khuar angin Phyusawhti pawlte pawn ThrawTa khuaah bu an khuar mek thu Mawlaik khuaa tualchhung mi pakhat a sawi a.
He buaina chungchangah hian Sagaing region, Military council sipai thupuangtu U Aye Hlaing chu FRA Media-ten an zawhnaah chhanna a awm lo a ni.
UNO CHA-ten an chhut dan chuan Military council sipaiten thuneihna an lak hnu hian chenna in 60000 an hal tawh a, tualchhung mi maktaduai 1.5 chuang in leh an tlansan tawh tiin an tar lang a ni.
