Sagaing region, Sagaing township, KyiKone khuaah Military council sipaiten tualchhung mi pakhat an that a, ShweBo township KinPyia khuaah pawh tualchhung mi ruang 5 an hmuh thu tualchhung miten RFA Media an hrilh a.
June 17 khan Sagaing township, KyiKone khuaah Military council sipai 80 rual an luh rualin kum 50-a upa Ko San Win Aung an thah hnuah In an hal thu security zinga hming thup pakhat chuan RFA Media a hrilh a.
“Military council sipaiten KyiKone khua an hal a, KanTaw khua an chhuahsan hnuah tlanchhe hman ve lo, an halna ruang hmuh a ni a, KyiKone khuaah In 8 an hal bawk” tiin a sawi a
Tunah rih chuan Military council sipaiten WatLet township lamah an pan nia hriat a ni a.
June 17 pawh khan ShweBo township, KinPyia khuaah Military council sipaiten an kah hlum mipa ruang 5 hmuh a nih thu tualchhung miten an sawi a.
Military council sipaiten an thah tak te hi an chhungten an hming sawi an la ngam rih loh thu ShweBo khuaa miten an sawi a.
Military council sipaiten ShweBo khuaah In 16 an hal chhiat bakah bungrua man to tak tak an laksak nual thu Shwebo, information-ten Jine 17 khan an thuchhuahah an tar lang a ni.
Hemi chungchangah hian RFA Media-ten nemnghehna an la neih loh angin Sagaing region Military council thupuangtu RFA-ten Phone hmanga an zawhnaah chhanna a awm rih lo bawk.
Political prison (AAPP)-ten kumin 2023 June 16 thlenga an chhinchhiah dan chuan Military council-ten thuneihna an lak atang hian tualchhung mipui 3663 an boral tawh thu an tar lang a ni.
