Yangon, Mandalay leh Kalaymyo-ah Military council sipaiten pangpar lei leh pangpar tawn bakah Rose par keng reng reng telin mi 100 chuang an man tawh thu tualchhung mipui Yangon Khit Thit Media an hrilh a.
June 19 tuk khan HlaingThaYar township Industry Zone 1, kawnga hnathawka kal te pangpar tawn te, pangpar lei te leh Rose par kengte chu Military council sipai te leh khawlalte tangrualin an man a, section 505-in thubuai an awrhtir thu hriat a ni a, mi eng zat nge an man hriat chian an la ni lova.
Hetiang vek hian Sagaing region, Kalaymyo township-ah pangpar tawn, Bazar mek te mi 20 vel Military council sipaiten an man bakah khawchhung thenkhatah pawh pangpar tawn an man nual thu hriat a ni bawk a.
Yangon khawpui Kamayut (Ka Ma Yuat) township-ah pangpar keng te, par tawn leh Rose par keng mi 20 vel Military council sipaiten an man thu hriat a ni a.
Pangpar hmanga nawrhna huaihawtnaah hian Online hmang pawhin mi 15 aia tlem lo Military council sipaiten an man thu hriat a ni bawk a.
Yangon Khit Thit Media-ten an chhinchhiah dan chuan Pangpar hmanga nawrhna an huaihawtnaah hian mupui 100 vel Military council sipaiten an man thu hriat a ni.
