Chin State, hmun ualau pakhatah Institute of Chin Affairs (ICA)-ten khum 20 awmna Lailun Clinic chu May 12 khan an hawng a, June 21 thleng khan damlo mi 200 chuang an enkawl tawh thu Institute of Chin Affairs (ICA)-ten an thuchhuahah an tar lang a.
Institute of Chin Affairs (ICA) te hian Falam township hmun pakhatah Free Clinic an hawng bawk a, Military council-ten thuneihna an lak kum 2 chhung khan damlo mi 7000 chuang an enkawl tawh thu hriat a ni bawk.
Heng bakah hian Mizorama Myanmar raltlante tan Champhai District, Zokhawthar-ah Lailun Clinic hawn bawk a ni a, he Lailun Clinic hi thla tin sawn kual thin a ni a, raltlan damlo mi 5000 chuang an enkawl tawh bawk a ni.
Aizawl khawpui leh a chhehvelah pawh he Mobile Clinic hmang hian raltlan damlo mi 300 chuang enkawl a ni tawh a. Institute of Chin Affairs (ICA) hian hriselna, zirna, thil chhui leh tanpui ngaite, an tanpui thin thu hriat a ni bawk.
