Sagaing region, Pale township khuaah Military council sipaiten an beihnaah khaw 5-a tualchhung mi 5000 chuang in leh lo an tlanchhiatsan thu tualchhung mipuiten Yangon Khit Thit Media an hrilh a.
June 23 tuk atang khan ZiPhyuKone (Zi Phiu Kong) khuaa Phusawhti leh Military council sipaiten Pale township an luh chilh avangin khaw 5-a tualchhung mipui 5000 chuang in leh lo an tlanchhiatsan thu hriat a ni a.
“KyiNinGyi (Chi Nin Chin) khaw atanga feh chhuak Military council sipaiten Pale khawpui an sawisa mek a, ZiPhyuKone khua atanga KyinNinGyi khuaa Military council sipai lutten khawchhung an suasam avangin a khaw chhehvel khaw 5-a tualchhung mipuite an tlanchhe nual a. Military council sipaiten ei in tur an chhekkhawl niin kan hria a, chenna ina bungrua te an suasam nasa hle” tiin tualchhung mi pakhat chuan a sawi a ni.
Tun dinhmunah hian Military council sipaiten KyiNinGyi khua an luh chilh avangin a khaw chhehvela mite an tlanchhiat nual thu hriat a ni bawk.
