CDF-Mindat-ten eng vangin nge an thalai rualte phalna hmu lova ram chhung leh pawn chhuah an phal loh, Tuna CDF-Mindat te dinhmun leh a chhehvel te chu Mindat township Public Administration thupuangtu Salai Yaw Man, Khonumthung Media-in a biangbiakna i lo chhunzawm leh ang u.
Zawhna: CDF-Mindat-ten June 18-a thuchhuahah khan Mindat township-a Chin thalaite CDF-Mindat phalna hmun lovin ram chhung leh pawn chhuah phal loh thu kan hmu a, hei hi eng vanga thuchhuah siam nge in nih?
Chhanna: Kan vai hian Revolution beitute kan ni a. Thalaiten Malaysia, Yangon leh Mandalay lamah an kal chhuah kan hlau a, khawchhung veng him leh a tul anga thawktu an awm tawh lo. Mi tam takten an nunna an hlan tawh a, theih tawpa kan tanho a ngai a ni, damlo zualpui tih loh chu chhuah kan phal lo a ni.
Zawhna: Thalai rualte ram chhung leh pawna chhuak an tam tiin CDF-Mindat thuchhuahah tar lan a ni a, hei hi eng vang nge ni ang?
Chhanna: Chhan hrang hrang a awm thei a, revolution beitu thalai an awm laiin ngaihsak lem lo an awm bawk a, miten ram tan an nunna an hlan nual tawh avangin a huhova thawh chhuah a ngai tak meuh a. Ram pawnaah thalai 100 rual an kal chhuak tawh a, an sum thawh chhuah atangin an chhung te leh rcvolution tan an pe pawh a ni mai thei. Tunah rih chuan khawchhung hmasawn nan Clinic leh zirna school sak a nih dawn chuan khawchhungah naupang leh kum upa te chauh an awm dawn avangin a ral muang lo a ni ber mai.
Zawhna: Ram a buai avangin hnathawh tur a harsat tawh si a, ram danga zirna chhunzawm te leh hnathawka feh chhuak te an tam tawh hle a. Hetia ram pawna kal chhuak tur in dan hi, tih dan mawi a ni ang em, human right in palzut a ni thei ang em?
Chhanna: A dik khawp mai ka dang bur a ni. A chhan chu ram buai hma kha chuan tih dan kawng a awm thei a. Tunah rih chuan kan hriat theuh tawh angin ram a buai a, he buaina hi kan hmachhawn hneh loh chuan kan ral mai dawn a, kan ngaih dan chuan mipui humhimna a nih avangin human right zah lovah kan ngai lem lo.
Khawchhung thalaite a rualin ram pawnah an kal chhuah laiin an unau 50,60 chuang te ram tan an nunna an hlan tawh a. Ram tana ramhnuai leh tlang kara an feh chhuahna hi kum 3 a vei der tawh a, nun thapin ral hmatawngah hrehawm an tuar a. Chutia an ral beih an rawn haw hian an thian thenkhat te chu zalen takin khelmualah football an lo khel mai mai an hmuh hian ram pasaltha te an rilru a tihnual ve deuh thin a ni.
Hemi chungchang hi kan chhunzawm leh dawn nia.
