Sagaing region, Kalaymyo huam chhung Beer dawra Military council te siam chhuah Beer an zawrh avangin Kalaymyo People police-ten an mansak nual thu hriat a ni a.
Kalaymyo khawpui chhunga Beer dawr hrang hrangah Military council te siam chhuah Beer an zuar thin a, tualchhung mipuiten an report angin NUG sorkar hnuaia Kalay Township People Police pawl te leh khawchhung mipui security tangkawpten June 24 khan Kalaymyo khawchhung dawr hrang hrangah an dap chhuah thu hriat a ni a.
Hetia an dap chhuahnaah Beer dawr hmun 4-ah Military council siam Dagon Beer case 60 leh Beer phurhna Car 2 an mansak a, NUG sorkar hnuaia Kalaymyo Municipal Office-ah an dah thu Kalaymyo township People police-ten an thuchhuahah an tar lang a ni.
Kalaymyo township-ah hian Military council siam reng reng zawrh chhuah loh tur a ni a, zuar chhuak an awm chuan ding lai dan angin na taka hrem an ni ang tiin Kalaymyo People police-ten thuchhuah an lo siam tawh a.
Heng bakah hian dawr siam reng reng te hian tuna ding lai sorkar hnenah chhiah an chawi vek tur a ni tiin Kalaymyo people police-ten thuchhuah an lo siam bawk tawh a ni.
Kalaymyo people police-ten an sum pai hmuh reng reng te hi NUG sorkarina a ruahman angin hman zel tur a ni a, hmun hrang hranga PDF te, mipui hriselna, zirna leh chhawmdawl ngaite tan an pek thin thu Kalaymyo people police-ten an thuchhuahah an tar lang bawk a ni.
