Sagaing region, Khin U township, khaw 2-a Military council sipaiten an beihnaah kum 60-a upa an sawisak hlum thu Khin U township. Information-a thuneitu pakhat chuan Yangon Khit Thit Media a hrilh a.
July 2, zing dar 6 khan Aung Chan Ta khua leh InnPat khua chu Military council sipaiten ralthuam lian nen an luh chilh a, InnPat khuaa Bawng 2 an thih bakah Bawng 5 an hliam thu hriat a ni a.
Military council sipaiten Aung Chan Ta khua an luh chilh hian tualchhung mi 4 an man a, kum 61 vela upa Pu Tan Win chu an sawisak hnuah a bawp ding lamah an kap a, changpawl karah an hal hlum a, khawchhung mi pakhat pawh ralthuamin a hliam thu hriat a ni bawk.
Tualchhung hliam mi 2 te hi Clinic-ah enkawl mek an ni a, Military council sipaite chu khawchhung an chhuahsan tawh a, khawchhung chenna ina bungraw leh ei in tur chi hrang hrang an laksak nual thu hriat a ni bawk.
Hetiang vek hian July 2 tuk khan Khin U township hmar lam Circuit 5-a awm AuhPauhGyi khuaah Military council sipai 100 rualten an luh chilh a, NgyaungKan khua leh ALeShu khaw inkar YauhTuaEih khaw lamah ralthuam lian an kah chhuah avangin Khin U khaw chhim leh hmar lama tualchhung mipui 4000 chuang te chu in leh lo an tlanchhiatsan thu Khin U township, information-a thuneitu pakhat chuan a sawi a ni.
