CNA-a police hmeichhia Amily, Khonumthung Media-in a interview-na i lo ngaithla chhunzawm leh ang u.
Zawhna: CNA-a i luh hian i chhungten eng tin nge an ngaih dan le?
Chhanna: Ka chhung te chuan an rem ti lova, thih leh ruam khatah dam leh tlang khatah tiin heta hian kan awm tur a ni an ti a. Hetah pawh kan thi thei alawm, ka theih ang angin ka pui ve dawn a ni tiin revolution-ah ka lut tawp mai a ni.
Zawhna: Eng tik hun velah nge CNA-ah i luh a?
Chhanna: Kum 2022 January khan a ni a, thla 2 chuang ka training hnuah camp-ah ka la awm mek a ni.
Zawhna: Training in neihnaah hmeichhe tan harsatna i nei em?
Chhanna: Hmeichhe tan chuan harsat an awm ve nual mai. Mipa pawhin an tih theih chuan tih theih ve ka tum a, kei aia senior pawh an awm thova. Hmanhmawh taka minute 5 chhung tih zawh tur, second 5 chhunga tih zawh tur tihah hian harsatna chu an awm ve nual mai, kan hmachhawn zel ang chu.
Zawhna: Tun dinhmunah hian eng nihna nge i chelh a?
Chhanna: Ka luh hlim khan Defence department-ah staff ka ni a. A hnuah central court-ah ka thawk leh a, committee-naah secretary ka ni a, Military lamah chuan second Lt. ka ni ve a.
Zawhna: Min tin hian dream an nei thin a, i deram neih dan min hrilh theih ang em?
Chhanna: Graduat ka nih hnuah ram dangah hnathawh ka tum a, tunah chuan eng mah tih theih a ni si lova, ka dream a hloh loh nan hetia hian ka awm ta a ni.
Zawhna: I thil tum dream i hloh ta si a, a pawi ngawt ang chu?
Chhanna: Graduat ka nih tum pakhat hloh mah ila, ka dream thar pakhatah ka chhunzawm tawh alawm.
Zawhna: Camp-a i awm hian harsatna te i tawk thin em, eng tin nge hmalak i tum?
Chhanna: Zirlai dinhmun atanga thlir chuan a awlai lo khawp mai. Thununna a khauh bawk a, a chang chuan ka tlin thin lo. Mahse, ram tan ka ngaihtuah hian thawh zel ka tum a, mi zilh chan a awm ang a, ram tan theih tawp kan chhuah ve tur a ni tiin ka inzawt fo thin a ni.
