Sagaing region, Kalaymyo khawpui, Aung Thitsar Ward-a awm Salai Ngun Hlei Thawng chu June 29, tlai dar 6 vela an huana hna a thawh laiin a bul hnai lawkah bomb a tlak avangin a nakruh 6-ah a hliam thu hriat a ni a.
A hliam nat deuh avangin a zan la lain Kalaymyo civil hospital-ah phurh luh a ni a, Doctor-ten Mandalay hmunpui lam pan turin thu an rawn a, inenkawlna an neih loh avangin Kalaymyo civil hospital-ah an enkawl mek thu hriat a ni a.
Anni chhung hi unau pahnih chauh an ni a, a nu lah chu kum upa tak a nih tawh avangin inenkawlna an harsa hle a. July 4 khan Doctor-ten an operation a, a thiante leh a chhungkhat unau laina hnaite hnenah tanpuina an dil thu hriat a ni bawk.
