Sagiang region, Kalaymyo atanga Chin State chho thin Lirthei reng reng chu July 2 atangin Military council sipaiten kawng an khar leh thu, tualchhung mi te leh Driver te hnen atanga hriat a ni a.
Chin State atanga Bike leh motor chhuk thla te chu an phal thung a, Kalaymyo atanga Chin Hill chho tur lirthei reng reng te chu Military council sipaiten check gate-ah an dan vek thu tualchhung mi pakhat chuan heti hian a sawi a.
“Bungraw phur motor lian te leh lirthei reng reng te chu Kalaymyo Mel 8, check gate atangin an kirtir leh vek a, Bike pawh kal tlang an phal lo. Chin Hill atanga lirthei chhuh thla lam erawh chu an phal thung a, a chho lam a theih loh” tiin a sawi a ni.
Kalaymyo atanga bungraw phurh te hi Chin State hmar lam, pal tlangin Mizoramah an phurh luh thin thu a sawi zui bawk a ni.
Kawng an kharna chungchangah Sagaing region, Region Inmmigration Minister U Saw Naing, RFA Media-in phone hmanga an zawhnaah chhanna a awm rih lo a ni.
Kalaymyo atanga Chin State chhohna kawng hi April 22 atangin May thla tir thleng, chawlhkar 2 chuang, Military council sipaiten an khar tawh bawk a ni.
