Chin State, Mindat township-ah Military council sipaiten Thlawhna leh ralthuam lian an tawngpawng kah chiam thin avangin mipuite an him tlan zawk nan tiin a rang lama Trench khur lai theuh turin Mindat township, Public administration-ten hriattir nawnna thuchhuah an siam thu hriat a ni a.
“June 28 khan LohKhe khuaah vawi 5 an bomb hnuah YawNaToe khua an bomb leh a. July 1 pawh khan Circuit 3-a khaw thenkhatah bomb a tla bawk a. Bomb a tlak fo avangin thuchhuah siam tawh mah se, zawmtu an tlem avangin thuchhuak kan siam nawn leh a ni” tiin Mindat township, Public administration zinga thuneitu Ko Yaw Mang chuan a sawi a.
Hetia Military council sipaiten an bomb thin avangin chenna in, Biak in leh in hrang hrang a chhiat hual tawh avangin an hloh nasa tawh hle a, mipuite sa him nan tiin thuchhuah an siam nawn leh thu hriat a ni.
Heng bakah hian Mindat mipuiten hnam Kut leh puipun nikhuaa thiltihhonaah pawh fimkhur reng a tul thu Mindat township, Public administration-ten April 14 khan thuchhuah an siam tawh a.
Chu bakah chenna in, hung chhung theuhah, tawm himna tur lei khur laih theuh turin leh Military council sipaite bomb kam puak rih lo, hmuh a nih pawhin rin thua tawngpawng khawih mai lovin khawchhung hruaitute hnenah emaw CDF Mindat hnenah emaw report zel turin an tar lang bawk a ni.
Military council sipaiten kum 2021 atanga thuneihna an lak atanga kum 2023 thleng khan Chin State leh Kalaymyo District huam chhungah Military council sipaiten Thlawhnain vawi 77 an bomb tawh a, Chin mi 64 aia tlem lo an boral tawh thu CDF pawlten an thuchhuah an tar lang a.
Boral te zingah hian CDF sipai 10 leh tualchhung mi 54 an boral tawh thu hriat a ni bawk.
