Bago region, KyaukPhyu township, KNU Brigade 3 huam chhunga vawi 3 an inbeihnaah Military council sipai 12 an thih thu NUG sorkar Defence Ministry chuan an thuchhuahah an tar lang a .
July 3, zing dar 8:48 khan KyaukPhyu township, Mong leh Yazet Gyi motor kawng-a Military council sipai 50 rual te pawl 2-a kal te chu Oh Phiat khaw bulah KNLA tangrualten 40 MM pahnih leh sniper-in an kahnaah Military council sipai 1 a thih thu hriat a ni a.
Hemi ni vek hian chawhnu dar 4:47 khan Drone hmangin an bei leh a, Military council sipai 3 an thi a, 2 an hliam bawk a.
Hemi zan vek dar 8;30 khan KyaukPhyu township, KayinKya khuaa School hmaa Military council sipai te chu ralthuam lian leh te hmanga an inbeih tawnnah Military council sipai 8 an thi a, Military council sipai 7 an hliam thu hriat a ni a.
Hetiang hian July 5, zan dar 7:20 vel khan Mandalay region, MohTaYar township, Yue Su khua Signboard tarna bula Military council sipai leh Phyusawhti pawl te Bike 10 nena duty te chu bomb kam hmanga an beihnaah mi 3 an thih thu NUG Defence Ministry hnen atanga hriat a ni bawk.
