Thai Labor Ministry chuan Myanmar mi te leh ram danga hnathawka awm te hian July thla thleng, work permit a siam theih thu July 7 khan a puang a.
May thla laihawl vel thlenga Card siam tura tih Myanmar, Cambodia, Lao leh Vietnem mi nuai 5 ten Card an chan ve loh avangin July 31 thleng work permit an siamsak dawn a ni.
Card siam tur chungchangah chi 3-a siamsak an ni dawn a. Chi 1-na atan chuan heng ram 4-ten Thai-a luh phalna passport zo tawh leh hna nei loten hnathawhna an hmuh theih nana siamsak tur an ni a.
Chi 2-naah chuan Visa zo tawh te leh a 3-naah chuan phalna nei lova hnathawk te tan a ni a.
Thuchhuak siam atanga ni 15 atangin siam theih a nih dawn thu hriat a ni a. Work permit siamsak tawh ten an fa te kum 18 tling lo te pawh ram chhung awm phalna an neih dawn thu Thai Labor Ministry chuan a sawi a ni.
Thai-ah hian dan lova lut leh Myanmar mi maktaduai khat vel an awm thu Labor organization ten an sawi a ni.
