Kayin State-ah kumin 2023 January 1 atanga June 30 thleng, thla 6 chhung khan Karen National Union (KNU) KawThuLay bial chhungah inkahna vawi 2495 a thleng a, Military council sipai 2632 an thih tawh thu KNU-ten July 9 khan an thuchhuahah an tar lang a.
Karen National Union (KNU) KawThuLay huam chhungah kumin chhung hian Karen National Defense Organization (KNDO) leh Karen National Liberation Army (KNLA) tangrual te leh Military council sipai te beihpuithlaka inkah leh inkah pangngai vawi 2395 an inbeih thu hriat a ni a.
He inkahnaah hian Military council Battalion commander 5, Lieutenant Commander 5, Captain 9, Lieutenant 4, Warrant Officer 5 telin sipai 2632 an thi tawh a, Lt. commander pakhat telin sipai 1685 an hliam bawk a, Military coucil sipai Motor 99 a chhiat tawh thu hriat a ni bawk.
He inbeihnaah hian Karen National Defense Organization (KNDO) leh Karen National Liberation Army (KNLA) sipai 76 an boral tawh a, 257 an hliam tawh thu tar lan a ni a. KawThuLay huam chhungah hian raltlan mi nuai 6 dawn (599400) vel an awm tawh a, raltlante tan, fur lai a nih avangin ei in tur bakah tawm hulna tur Silpaulin leh silhfen, damdawi chenin tanpui an mamawh thu hriat a ni bawk.
