Military council sipaite leh CDF-Mara Battalion te inbeihnaah Military council sipai 4 an thi a, hliam an awm nual thu CDF-Mara-ten July 9 khan an thuchhuahah an tar lang a.
Chin State, CDF-Mara, No. 3 Battalion huam chhung, Lailenpi khuaa innghat, tlang chunga buk khuar Military council sipaite chuan khawchhunga mipui te vau thin a, an tibuai thin bakah an tawngpawng kah fo thin avangin CDF-Mara-ten an chhan let avanga inkap tawn an nih thu CDF-Mara-ten an sawi a.
June 8, chawhnu khan darkar chanve chhung an inbeihnaah Military council sipai 4 an thi a, mi 5 aia tlem lo an hliam thu hriat a ni a.
Hetia Military council sipaiten ralthuam lian nena an kah avangin Lailenpi khua Aphawaw Ward-a kum 17 mi Nl. Les, Myat Tan Dar a boral thu hriat a ni bawk.
Hemi avang hian Lailenpi khuaah inkahna nasa zawk a thlen mai theih avangin mipui te inveng fimkhur turin CDF-Mara-ten mipui te an hriattir a ni.
