Kalaymyo atanga Chin Hill panna motor kawnga awm, Taingen khaw chhehvelah Military council sipaite leh CDF tangrual pawl te chu July 11 tuk khan an inbeih thu hriat a ni a.
Chin State, Tedim township, Taingen khuaa Military council sipaite camp chu CDF tangrual pawlten July 11, zing dar 5 vel khan an kahchilh thu hriat a ni a.
He inkahnaah hian zing dar 5-12 thleng, Military council sipaite leh CDF te an inbeihnaah CDF sipai 4, ram tan an nunna an hlan a, mi 2 na vak lo an hliam thu CDM-Siyin-ten July 11 khan an thuchhuahah an tar lang a.
He inbeihnaah hian Military council sipai thi leh hliam an awm nual bakah ralthuam tam tak an laksak nual thu hriat a ni a.
Military council sipaite thi leh hliam an tam avangin Thlawhnain vawi 3 an bomb bakah Kalaymyo atangin laipuiin an bomb zui nual thu hriat a ni bawk.
Taingen inbeihnaah hian CDF tangrual pawl CDF CDM SIYIN, PDF Zoland+B5 ME, CNDF, TCNF, KKG B7,PDA leh PDF Kalay, S2-ten an bei rawn a, hlawhtling takin an kirsan leh hlawm thu hriat a ni bawk.
Taingen khua hi Kalaymyo atanga Chin Hill, Tedim khua, Rihkhawdar (Tiau) khua leh Falam,Halkha khawpui panna kawng ber a ni a, he khuaah hian Military council sipaiten buk khuarin khualzin mite an man thin avanga CDF tangrualten an beih rawn thu hriat a ni bawk.
