Chin State Halkha leh Thantlang khaw inkar Timit phaitual chhehvelah July chawhma vel atang khan Military council sipaite leh CDF tangrual te an inkap nasa leh hle a.
Military council sipaiten Thantlang khua thunun an tum leh avangin May chawhnu vel atangin Halkha leh Thantlang inkar Timit phaitual, Lungkhar tlang chhehvelah an inkap leh nasa hle a.
He inbeihna chungchangah Military council sipaite an hnutawlh thu hriat a, Tun dinhmuna an chanchin tlangpui chu CNF/CNA thupuangtu Salai Thet Ni chu Khonumthung Media-in biangbiakna a nei a ni.
Zawhna: Halkha leh Thantlang inkar inkahna dinhmun min hrilh hmasa thei la?
Chhanna: May chawhnu atanga buaina chawk chhuak Military council sipaite chuan chawlhkar khat an chawlh tawh hnuah July 3 atang khan an bei tan leh a. July 3-8 thleng Military council sipaite nen kan beihnaah keini lam sipai 6 an hliam a, anni lam sipai 20 chuang thi leh an hliam thu kan hria a.
Thi leh hliam an awmna hmunah ruang 6 kan hmu a, hliam mi 42 te chu Damdawi inah an awm thu kan hre bawk a. A hnuah beidawngin an kir leh a, Halkha an thleng ta em kan hre lo, Jet Fighter-in vawi 3,4 vel min bomb bawk a ni.
Zawhna: He inbeihnaah hian ralthuam, in laksak nual tih kan hria a, in dinhmun min hrilh theih ang em?
Chhanna: Nia, an ruang bulah silai 4 leh silai mu 1000 chuang kan laksak a.
Zawhna: Military council sipai eng zat velin nge rawn bei che u a?
Chhanna: A tirah chuan pawl 2-in an rawn kal a, pawl khatah Military council sipai 150 vel an niin kan hria. Tunah chuan an infin leh tawh a, Halkha leh Thantlang Timit kawngah sipai 150 rualten an rawn thawk a, an beidawng a ni ang an hnungtlawh a, Halkha lam atangin an thianten an rawn pui bawk a, He inbeihnaah hian Battalion 5-ten kan bei a. kan tam lo khawp mai.
Interview hi chhunzawm leh a ni ang.
