Sagaing region, Kalaymyo-a Military council sipaiten July 13, zana ralthuam lian an kah chhuah avangin ChuTungPin (ThingUnau) Ward-a tualchhung mi 2 an hliam a, chenna in thenkhat an chhiat nual thu hriat a ni a.
July 13, zan 10 vel khan Military council sipaiten bomb an kah chhuahnaah ThingUnau Ward-a UMAS school hung chhunga School Head Master chenna inah bomb a tlak thu tualchhung mi pakhat chuan a sawi a.
“Inkah buaina awm lovin khawchhung an tawngpawng kahnaah bomb vawi 2 a tla a, Bomb pakhat chu chenna in kawtah leh bomb pakhat dang erawh School Head Master in a fuh a. In thenkhat fuh loh ta se, kum upa pakhat a fuh ngei ang” tiin tualchhung mi pakhat chuan a sawi a ni.
Military council sipaiten an bomb avangin School headmaster fapa, pafa an hliam avangin damdawi inah an enkawl thu hriat a ni bawk.
He inkah buaina avangin school pawh khar lailawk a nih thu hriat a ni a. July 12 pawh khan ChuTungPin (ThingUnau) Ward-ah Military council sipaiten an bomb-naah chenna in a fuh nual a, mipui thi leh hliam an awm loh thu tualchhung miten an sawi bawk a ni.
Kalaymyo-a Military council sipaite hian July 13, zan atang khan inkah buaina awm lovin Laipui an kap chhuak a, Chichai khuaa nupa an boral bakah tualchhung mi 5 lai an hliam thu hriat a ni a.
Hetia Military council sipaiten June thla chhunga Kalaymyo khawpuia ralthuam lian an kah chhuah thin avangin tualchhung mi 7 an boral tawh thu hriat a ni bawk.
