Sagaing region, Kalaymyo leh Chin State hmar lam panna kawng, Kalaymyo leh Taingen kawng chu July 14 atang khan mipui te kal lo turin CDF-CDM-Siyin-ten thu an chhuah thu hriat a ni a.
Chin State, Tedim township, Taingen khuaa Military council sipaite camp chu July 11 khan CDF tangrualten an beih rawn ni 4 hnu. July 14-ah kawngpuia mipui veivak lo turin an khar thu, an thuchhuahah an tar lang a.
Thu chhuah a awm leh hma chu he thuchhuah hi rin reng tur a ni a, hetia kawng an kharna chungchangah CDF-CDM Siyin te, an zawhna chungchangah chhanna a la awm rih lo a ni.
Taingen khua hi Kalaymyo atanga Chin hill; Tedim, Falam, Rihkhawdar khua te panna kawnga hmun laili-a awm a ni a, Military council sipaiten mipui kal apiang te check thinin an man thin thu hriat a ni a.
Heng avang hian July 11 khan CDF leh PDF tangrual pawlten Taingen khuaa Military council sipaite camp chu an bei a, Military council sipai thi leh hliam an awm nual a, Military council sipaiten chung lam Thlawhna atang leh ralthuam lianin an chhan let thu CDF-Siyin-ten an sawi a ni.
