Myanmar leh India ramri Sagaing region, Tamu khawpui panna kawng, Military council sipaiten kawng an khar avangin ei in, bungrua leh tuialhthei man a san chhoh hle thu tualchhung miten an sawi a.
Thla kal taah khan artui pum khat Kyats 270 a nih laiin tunah chuan Kyats 400,500 man a nih tawh thu Tamu khuaa tualchhung nu pakhat chuan a sawi a.
June chawhma khan petrol (92) gallon khatah Kyats 11000 man a nih laiin July chawhnu lamah chuan gallon khatah Kyats 16000 man a nih thu leh Buhfai bag khatah Kyats 20000-in a kai chhoh thu Tamu khawchhunga pa pakhat hnen atanga hriat a ni bawk.
June 15 khan Tamu khawpui atanga mel 7 vela hla, Panta khuaa Military council sipaite camp chu PDF tangrualten an kahchilh hnuah, Military council sipaiten Kalaymyo leh Tamu kawng an kharna hi thla khat a chuang tawh a, tun thlenga kawng an la hawn rih loh avangin ei in man an sang chho zel a ni tiin tualchhung miten an sawi a ni.
