Sagiang region, Swebo leh Khin U township khaw chhehvelah Military council sipaiten ralthuam liana an kah avangin tualchhung mi pakhat a boral thu tualchhung miten Yangon Khit Thit Media an hrilh a.
July 16 khan YwaThitKone (Zua Tit Khong) Phyusawhti khua atanga feh chhuak Military council sipaite chuan InnPat khuaah 60 MM ralthuam lian 2-in an bomb a. InnPat khuaa school-ah bomb a thlak avangin kum 50 mi raltlan Pu Tan Soe a boral nghal a, kum 30 mi pa pakhat a hliam a, enkawl nghal an nih thu hriat a ni a.
Swebo township, Traning No.8 atanga Military council sipai 100 te chuan July 15,16 khan operation an neih avangin tualchhung mi 10000 chuang in leh lo an tlansan thu hriat a ni bawk.
Heng bakah hian Military council sipaiten July 16 khan TeU Pin khua tlak lam leh chhim lamah ralthuam lian leh te, hmanga an beih leh avangin khaw 6-a tualchhung mipuite an tlanchhiat leh nual thu tualchhung mi pakhat chuan Yangon Khit Thit Media a hrilh a ni.
