Myanmar-a chhawmdawl ngaite tan Britsh-in Sterling Pound maktaduai 30 chuangin a tanpui dawn thu Britsh sorkar chuan July 17 khan an thuchhuahah an tar lang a.
Kum 2023-2024 budget year-ah hian Myanmar ram chhunga chhawmdawl ngaite tana tanpuina sum a ruahman thu Britsh Foreign Ministry-ten thu an chhuah a.
Britsh sorkar hian tanpui ngaite tanpui te, hriselna lama hmalakna tur te, kut hnathawkna atan te, ei leh in lama an intodelh nan atan te leh harsatna lak atana an ziaawm theih nan tiin an thuchhuahah an tar lang bawk a.
Myanmar ram chhung buaina a reh theih nan te, ASEAN hruaituten hma an lak thuai nan te, inthahna leh tharumthawhna a reh theih nan te, remna leh muanna a thlen theih nan leh Democracy an neih theih nan te, Rohingya-ten zalenna an hmuh theih nan te leh mi retheite dawm kan nan te pawh an ruahman tel thu hriat a ni bawk a.
Britsh sorkar hian kum 2017 atang khan Rakhine State-a Rohingya mi te tan Sterling Pound maktaduai 30 vel leh Bangladesh-a Rohingya mi te tan Sterling Pound maktaduai 350 chuang an lo tanpui tawh bawk a ni.
