July 21 tuk All India Radio News Aizawlin a tar lan dangin India, Mizoram Chief Minister Pu Zoramthanga chuan Manipur-a Kuki hmeichhe pahnih chunga rapthlak taka chetna video chuan a thawn thu leh a dem tak zet thu a sawi a.
July 20-a Twitter-a a thudahah CM chuan Kuki hmeichhe pahnih chunga thil thleng kha, a rapthlak a, zahngaihna tel miah lova insawisakna, demawm tak leh mahni mihringpuite chunga khawngaihna nei miah lova chetna a ni a ti a.
Pu Zoramthanga chuan Manipur state buaina chuan a thenawm state te mai ni lovin ram pum a nghawng a. Buaina chu a zual chho zel niin a lang a ti a. Buaina chu ngawihsan mai chi a ni lo tih sawiin remna leh nunphung pangngai a awm leh theih nan Manipur sorkar leh sorkar laipui chu hma la thuai turin a ngen nawn leh a ni.
National Commission for Women (NCW) pawhin Manipura Kuki hmeichhe pahnih chunga thil thleng, video-a darh ta chu na takin a dem a. Twitter-a an thudahah Commission chuan anmahni thua chhui zui tura hma an lak nghal thu leh Manipur Director Genenral of Police chu rang taka che nghal turin an hriattir tawh a ni an ti bawk.
