Myanmar Central Bank chuan July 31 atangin Kyats 20000 (Sing hnih) tlang chu hman theih turin an theh chhuah dawn thu July 23 khan Central Bank atangin an puan thu hriat a ni a.
Kyats 20000 note thar hi a hring dal rawng paper niin a hma lamah Sai var lem a chuang a, a hnung lamah Sagaing lei thlalak leh Ayeyarwadi lei (YaDarNarBon) lem a chuan thu hriat a ni bawk a.
He pawisa note thar hi a zat bithliaha tihchhuah tur a nih thu Military council-te thunun mek Myanmar Central Bank chuan a sawi a, an chhut zat leh sem chhuah zat tur erawh an tar lang lo thung a ni.
Military council-ten thuneihna an lak kum 2 leh a chanve hnuah hian Military council sipaiten heti hian sum che velah an nekchep hle nia hriat a ni a.
Pawisa note hlui hman tlak tawh loh te, thleng nana tihchhuah a nih thu hriat a ni a. A hlimchhawnah chuan Myanmar Central Bank NayPyiTaw leh Sub, Bank awmna Yangon Bank-ah leh Mandalay Bank-ah sem chhuah phawt a nih dawn thu hriat a ni bawk.
