Chin State-ah fur hun chhungah rul a tam avangin revolution-ten ruk chuk an tuar nasa hle a, rul chuk laka inenkawlna tur damdawi an mamawh hle thu CNO/CNDF-ten an sawi a.
“Rul chuk damdawi kan neih loh avangin kan damdawi neih ang angin kan inenkawl thin a. Kan sipai zinga pakhat phei chu thihna khawp hial chu thlen lo mah se, a tuar na khawp mai. Chuvangin rul chuk damdawi kan mamawh hle a ni” tiin CNO/CNDF thupuangtu Salai Cung Ngai chuan a sawi a ni.
July 17 pawh khan CDF sipaiten Internet hmen theihna hmuna an kalnaah rulin a chuk nual thu hriat a ni a. Hengah pawh hian rul chuk damdawi kan neih loh avangin harsatna kan tawk a ni tiin CNDF hruaituten an sawi a,
Nikum 2022 pawh khan CNDF sipai pakhat chu rulin a chuk a, inenkawl lawkna a awm loh avangin damdawi inah a boral tawh bawk a ni.
CNDF sipaite chet velnaah hian chawngkawr rul, rul-tu-ha, saphai leh rul chi hrang hrang an awm nual thu hriat a ni a.
July 19 khan CNDF sipai, kum 25 mi Salai Thang Za Sel chu a lung mitin an tlu thut a, oxyen a kham loh avangin a boral thu CNDF thuneituten an sawi a.
CNO/CNDF an din atangin kumin 2023 May thleng khan sipai 30 chuang an boral tawh a ni.
