Chin State, Kanpalet township, CinDui khuaa ration pe tur Military council sipai 300 rualte chu MaSaTui khuaah ni 2 chhung an chawlh zawk chhungin khawchhung bungraw tam tak an ruksak nual thu CDF-Kanpalet te hnen atanga hriat a ni a.
“Kohhran inah lehkha pawimawh te, Generator engine, Battery Box, Solar plat te, chenna in thenkhatah thingrem leh Settee te an la a. School hmanrua an laksak vek a, ran leh arva an thah nual bakah ei in tur an la nual mai” tiin CDF-Kanpalet-a thuneitu pakhat chuan a sawi a ni.
Military council sipai 300 rualten motor 20 chuang nena CinDui khuaa ration pe tur chu July 16 atangin an lo kap a. July 21 khan MaSaTui khua leh MawChaung khaw karah Military council sipaite leh CDF sipaite an inkap nasa hle a.
July 24 khan MawChaung leh Laithuk khaw bulah inkap lehin Military council sipai 10 an thi a, CDF sipai 4 an hliam thu hriat a ni a, he inbeihnaah hian Military council sipai 20 vel an thih tawh thu hriat a ni bawk a.
Kanpalet-a Military council sipaite hmachhawn tur hian hun a awh rei mai thei a, ralthuam leh ration te tanpui an mamawh zual dawn thu hriat a ni a.
July 14-a CinDui khuaa ration pe tur Military council sipaite chu July 25 khan Laithuk khawtharah an thleng tawh a, inkahna a la nasat mai theih thu hriat a ni bawk.
