Chin State, Mindat khuaah ni khat chhunga tum 2 an inkahnaah Military council sipai 8 an thih thu July 30 khan CDF-Mindat-ten an thuchhuahah an tar lang a.
July 30, zing dar 7:25 khan Mindat khuaa innghat Khah Lah Yah (IB) 274 awmna bul, Mel 4 tlanga Military council sipaite chu, CDF-Mindat-ten an beih rawn a, Military council sipai pakhat a thih thu hriat a ni a, CDF-Mindat sipai 2 an hliam thu hriat a ni bawk.
Hetiang vek hian Mindat khua, East Pin Ward, Ngaw humhalhna bulah July 30 chawhnu 3:40 vela duty-a vak vel Military council sipai leh police te chuanna motor pakhat chu CDF-Mindat-ten an beih leh thu hriat a ni a.
He inkahnaah hian Military council sipai 7 an thi a, an motor leh ralthuam te chhuahsak theih loh mah se, an ruang te, an thianten an thiar thu hriat a ni bawk.
