Bago region, KyuakGyi township-ah July 25 atanga an inbeihnaah khaw 41-a tualchhung mi te an tlanchhiat nual thu KNU-ten July 28 khan an thuchhuahah an tar lang a.
Khaw 41-a tualchhung mipui tlanchhe te hi mi 7992 an nih thu KNU-ten an sawi a. July 26 khan PeingZaLoh khuaa base. Military council Khah Lah Yah (IB) 264 te chuan YeDwinKone (Yi Dui Kong) khuaah bomb vawi 8 meuh an bomb avangin kum 38 mi Ko Zaw Win Naing a hliam a.
He inbeihnaah hian Military council sipai 15 an thih bakah 36 an hliam a. Thi zingah hian Captain pakhat telin Military council sipai 7 te ruang chauh hmuh a nih thu KNU-ten an thuchhuahah an tar lang a, KNU lamah thi leh hliam tar lan a ni lo thung a ni.
He inbeihna chungchangah hian FRA Media-ten nemnghehna an la nei lova. Military council te pawhin thuchhuah an siam hran lova, Bago region, Military council thupuangtu U Tin Oo, RFA Media-ten phone hmanga an biaknaah chhanna a awm lo a ni.
KNU huam chhunga Military council sipaite nena inbeihna avangin in leh lo tlanchhiatsan mi nuai 6 (599400) vel an awm tawh thu KNU-ten July 16 khan an thuchhuahah an tar lang a ni.
