Sagaing region, SaLinGyi township, SaLinGyi khua leh NyaungPin Gyi khaw inkar Chindwin tupui hmun pakhatah Military council sipai lawng, Thlawhna tui phur 5 an beihnaah Military council sipai 10 vel an thih thu Burma Liberation Democratic Front ( BLDF) pawl zinga thuneitu pakhat chuan Yangon Khit Thit Media a hrilh a.
August 5, chawhnu dar 2 hnu khan PaKukKu township atanga MonYwa (Mung Zua) khaw lam pana Chindwin tuipui zawh mek Thlawhna tui phur Bottles 3 leh Military council sipai lawng 2 te chu SaLin Gyi khua leh NyaungPin Gyi khaw inkar tuipui hmun pakhatah a ruka changin an beihnaah Military council sipai 10 vel an thih bakah hliam an awm nual thu hriat a ni a.
“August 5 atang khan PaKukKu khua atangin an thawm kan hria a, kan lo chang ran a, laipui 60 MM leh silaiin kan kah rawn a, Military council sipai 10 vel an thi” tiin Burma Liberation Democratic Front ( BLDF) pawl zinga thuneitu pakhat chuan Yangon Khit Thit Media a hrilh a ni.
He inbeihnaah hian Burma Liberation Democratic Front ( BLDF) leh tuipui tlak lama tangrual pawlten an beih rawn thu hriat a ni bawk.
