NLD Sorkar lai khan Military Council leh ruling party inkara indawrna leh thawh dunna chu a tha lovin, sipaite dinhmun chu a hniam hle niin Military Council puipa ber General Min Aung Hlaing chuan a sawi a.
He thu hi September ni 19, Shan State, Lasho, Military Council thuneitute leh sipai hmun, a tlawh tuma a sawi a ni a.
Tatmadaw chuan 2011-a NLD-in sorkarna term khatna a chelh chhung khan ram chhung venhimna leh mipui hmathatna a ngai pawimawh bik a. 2015 inthlanpui zawh, kum 5 chhung pawh khan politics, Economy leh Security bakah ram chhung thiltih hrang hrangah hma an la reng a, Military Council inkaihhruaina lamah a ngaihsak vak loh thu a sawi bawk.
Tatmadaw chuan ram chhung leh mipui tan venhim hna bakah rilru thianghlim taka Volunteer ang an ni a, an mawhphurhnaah dawhtheihna leh rinawmna thuk tak neih a tul thu sawiin a fuih zui bawk a.
General Min Aung Hlaing hian Shan State-a Military Council thuneitute, District leh Township hmun hrang hrang te bakah khawtlang nu leh pa te nen Lasho khawpuiah a hranpaa sawihona an nei a. Electric Rel, Elcetric Bus, Lei hnuai Rel te siam turin an fuih bawk tih hriat a ni.
Military Council puipa ber General Min Aung Hlaing hian Kachin Township atangin Shan State a tlawh a, Kachin Township a tlawh tum khan Rail Station tihchhiat a nih thu leh tualchhung zirlai nuapang ten amah an duh lohna leh Military Council te Kachin leilung atanga chhuak nghal tura an lo phutna te chu a tawng fuh nghe nghe a ni.
