Sumdawnna lian tham zet chelhtu U Ti Zah-a thunun mek Thu Foundation Company-ho te, International hian an sumdawnna peng hrang hrangah tihtawpsakin a na thei ang bera Action la turin Justice for Myanmar (JFM) pawlte chuan nimin khan thuchhuahah an ngen nawn leh.
Mipui kawngzawhte an kap hlum a, thingtlang mite Thlawhnain an Bomb bawk a. Henga rawva taka che thin Military Council te tanpui thintu hi U Ti Zah-a sumdawnna atanga rin a nih thu Justice for Myanmar-a thu puangtu Ma Yadarna Maung chuan a sawi.
Hnathawhna hmun leh ram leilung a hawh a, pawl dang nena thawh kawp te, ralthuam leh a kaihhnawih chenin an inrawlh a, mipuite sawisatu Military Council te a pui ru reng a ni.
Military Council te hman tur ralthuam tlawh luh chungchangah a phusa pawl a ni a, U Ti Zah leh Thu Trading ten British nen an zawm chungchangah an dang chah vek tawh thu September thla tir vel khan British sorkar chuan a puang.
U Ti Zah thunun Thu Company chuan, Action an lakna chhan hi a lungawi bik lova, a chhan leh vang hriat a duh thu British sorkar a ngen a.
Vawiina Justice for Myanmar pawl tena an thuchhuahah chuan ‘ Myanmar Airforce leh Yangon Aircraft Engineering Company limited te inkar thua, an rorel dan leh Myanmar Military Council tana ralthuam supply chungchangah U Ti Zah hi a inrawlh thuk hle tih an nemnghet
thu’ an tar lang.
Heng bakah hian Thu Company-ho leh a thawhpui 60 chuan share leh Director 130 te an awm thu, kimchang takin Justice for Myanmar pawlte chuan thuchhuah an siam bawk.
Ram hrang hrang ten, Myanmar ram hi Federal Democracy a hmuh theih nan leh Military Council leh Military Crony te nunrawngna hi dan chah vek a, na tak a Action la turin Justice for Myanmar pawl te chuan an ngen a ni.
