Ramchhungah October ni 1, 2021 atanga 2022 February ni 28 thleng, thla 5 chhung hian inkahna reng reng titawp rih turin September ni 27 khan Military Council ten an puang a.
He thla 5 chhung hian ramthuam keng pawl Ethnic Armed Group te nena inkap tawn lo tura tih a nih rualin, ramchhung inawpna leh invenna chungchang bakah thil pawimawh tihbuai
thei leh firfiak zawnga chetna zawng zawng earwh chhang let a, beih zui zel a nih tur thu sipai lam chuan an sawi a.
Inkahhai a nih theih nan leh remna leh muanna a thlen theih nan hian kum 2018, December ni 21 atang khan vawiin thleng hian tum 20 zet inkahhai hi an lo puan tawh hnuah pawh vawiin thlengin ram chhung hmun tinah thihna a la thleng mek zel tho a.
Military Council ten inkaihhai chungchangah, Ethic ralthuam keng pawl (EAOs) awmna hmunah mipui raltlante titawp tum leh Rakhine State-a Muslim ten Covid-19 Vaccine an lak lai, tluang taka kaltir tum mah se, NLD leh NUG bakah CRPH leh PDF ten Bomb kamhmangin leh ralthuam lekin buaina an chawkchhuak lui zel niin mipui sorkar lam chu an puh let a.
Mahse, Ethnic ralthuam keng pawl hruaitute chuan kum 2021 October ni 1 atanga 2022 February thla tawp, thla 5 thlenga inkahhai puanna hi ethnic armed group-te leh military council sipaite inkara inkahna tang chho mek thlah dul a, sipai nunna chan tam lo thei ang bera inbuatsaih tha leh a, nakin lawka beihthlak thlak tumna a nih theih rualin PDF lama tukdawl tumna lamah insawr bing a, khawpui – hmunpui lam venhim hna thawk an duh vang zawk pawh a nih theih thu an sawi a ni.
