Dr. SaSa Interview:
NUG Minister ni bawk, Chin mi ni bawk Dr. Sasa hian tunlaia Chin State-a chhawmdawlna chungchanga NUG te hmalakna Ayeyawadi media-in a zawt a. A zawhna leh chhanna chu a ngai ngaiin lo ngaithla ta ila.
Zawhna: Chin State, Thantlang-a boruak leh Chin State dinhmun engtin nge i hriat dan ni le?
Chhanna: Sipai ten sorkarna an lak hlim te khan, keini Chin State-ah Mindat leh Kanpalet Township-ah te an bei nghal a, a bik takin Mindat Township-ah an che nasa a, ralthuam lian an hmang a, Thlawhnain an Bomb hial a.
Hetiang ralthuam lian hi ram chhung indo nan leh ram pakhat leh ram pakhat indo nana hman thin a nih laiin Chin State, khawte-a an han hmang ta mai chu dan bawhchhiatna War Crimes a nih angin mihring insuatna Crimes Against Humanity pawh a ni a.
Military Council te hian keini Chin mite hi a hlawm hlawma min suat tuma a ni ber a, Hemi hnu hian September thla khan Thantlang-ah rapthlak takin an kap leh chiam a, Pastor Cung Biak Hum an kah hlum mai bakah a kuttang tansakin inneih zungbun an laksak a. Ran zia angin an nun a rawng hle a, Chin mite hmusitna a nih rualin Kristian te an la vau zui hial a ni.
Military Council ten mimal min beihnaah ka ngai a, Tunah Thantlangah an raltlan deuh vek a, tum ran neiin chenna in lum, an chhuahsan theihna turin chenna in 19 lai Bomb-in an halsak a.
Zawhna: Politice angin Chin mi ten an beihnaah an tihthat avangin Sipaite hi an tlawm zawnk em ni?
Chhanna: Sipai thuneitu lawk, U Ney Win hun, Than Swe hun, tunah Min Aung Hlaing-a hun kan en chuan, ram leilung fa tlangmi te hi an that a, an sawisa bakah an pawngsual thul. Heng Sipai lal hrawt te hian keini hi eng hamthatna mah min siam ngai lo. Dik taka sawi dawn chuan an thlahchhawng atang rengin min nghaisa a ni ber mai.
Tlangmi ten zalenna hmuh beisei hma 1947 atang khan Gen. Aung San-a leh a Cabinet te an kap hlum a, a hnuah Ney Win hun a rawn thleng leh a.
Tun Spring Revolution pawh hi kan hlawhtlin lo vaih chuan Tlangmite chauh pawh ni lo, ram chhung mipui ten, hma lamah beisei tur kan nei tawh lo a ni tawp mai, Kum 74 chhung Sipai rah behna hnuaiah kan kun tlawk tlawk tawh a. Hemi chhung hian engmah beisei tur kan neih loh laiin annin paw’n engmah min hnutchhiah bawk hek lo.
Keini Chin-ho pawh hi hun a kal zel angin kan darh ve tial tial a, kohhran hrang hranga kan awmna pawh a rei ve ta hle mai. Tuna kan dinhmun hi sawi chhuah vek kan duh tlang theuh a. Chumi zinga kawng pakhat chu ‘Military Council te tham bet a, a zung chawp a, kar
phawng’ hi a ni a. A pahnihnaah chuan ‘ Federal Democracy-ah kan kal dawn’ tih hi a ni.
Federal tia kan sawi hian Chin State hi amahin an inawp tawh ang a. Chutiang vekin Kachin leh Rakhine State pawh mahnia inawpna dan an duang tawh dawn a ni. Chu chu a ni ‘Federal’ kan tih thatna chu. Myanmar chhungah hian Decocracy chauh hi a tawk mai lova, Federal kawng zawh hi a pawimawh ber a ni.
Zawhna: Tuna, Thantlang atanga raltlante tan hian NUG hian engtin nge,
in chhawmdawl theih ve le?
Chhanna: NUG a pian hma pawhin keima theih tawkin kum 14 chhung the meuh, Chin mipuite tan leh Rakhine State-a mipuite tan tanpuina ka lo pe ve tawh thin a. Heng hi ka la chhunzawm zel a, Tunah rih chuan tlawmngai pawlte chet vel a la khirh hle avangin Dollar Maktaduai-te pek nghal thei lo mah se, a pehhel zawngin ka la tanpui ve reng a.
Mizoram-a awm te nen kan nunphung a inang hle a, an hruaitu te nen, kan inbe pawh zel a, ram hrang hranga mi te nen, inbe zelin kan la che zel a ni.
Zawhna: Chin State-a mipui tan hian NUG hian engtin nge tanpui in tum?
Chhanna: Military Council ten hun rei tawh tak ata an hman thin ‘Four Cut’ hi a ni a, hei policy hi ram hrang hrang Sipai ten an hmang nasa hle a. Myanmar hian hei chang lo pawh tanpuina kawngah International hunmanitarian law a awm a, Indona a awm apianga hman tur a ni a, Geneva Convention-ah hmuh theihin a awm.
Anni hian International thilte an ngaisang lo mai bakah an zawm duh bawk lo va. International hian Myanmar hi kuangkuahin a en mai mai bik lova, keini NUG hi pangngai takin a kal zel dawn a, Advocate te buatsaihin rorelte kan pu lut thin a.
Zawhna: NUG hian ram dang atanga tanpuia luh theihna a awm loh avangin mipui ten an bei zel tih a ni a. Minister nihna atangin ram dang nen eng nge in tih theih awm?
Chhanna: Sipai ten sorkarna an lak, thla 8 hnuah ram hrang hrang ten an sawi chamchi tawh angin NUG hi sorkar puitlingah pawm vat se. NUG tia kan sawi theih hunah Myanmar mipui duh dana 2020 inthlan result-ah an innghat a. Chu chu keini tan Legitimacy hi Myanmar mipuite an ni.
Chuvang chuan Myanmar mipuite hian min thlawp a, CRPH-ah Democracy kalhmangin palai kan inthlang a. Tum 76-na UN General Assembly-ah 2020 inthlanpui kha, min pawmpui a, chuvang chuan free and fair tiin an nemnghet a ni.
Tichuan, ASEAN –a inthlanpui Security pawlte pawhin free and fair a nih thu a sawi bawk. Chu chu keini tan chuan Legitimacy a ni e.
Zawhna: NUG-in intum, Four Cut hi engtia hlawhtlin nge nia in sawi theih?
Chhanna: Ngaihtuah chhin la, Tunah hian Thi (ထီ)-Lottery pawh an hlawhtling lova, hei pawh hi Four Cut zinga One Cut a ni tawh. Tunah chuan Tax a ni tawh mai a, mipui ten kan pe duh tawh lova, chu pawh chu non-voilent a ni tawh reng reng.
Tunah hian Electric Bill kan la free a, hei pawh hi dik taka sawi dawn chuan hlawhtlinna a ni tawh. Electric Bill kan pek chuan Min Aung Hlaing-a ipteah a khung leh hmiah dawn a. Chumi sum chuan ralthuam lei nan a hmang ang a, chu ralthuam chuan mipuite a kap hlum leh nual dawn tih hi mipui ten an hre khiau a ni.
Chuan, CDM te pawh hi Four Cut zinga pakhat a ni a. CDM an luh nual tawh avangin Sipaite inawpna leh hmaraw chi hrang hrang a khaihlak nual tawh a, duh angin an che hlei theih tawh lo. Heng hi khawvel hian a hria a, mipuite hlawhtlinna pakhat a ni tiin a sawi theih bawk.
Ram hrang hrang atanga thlir pawhin US chuan Military Council te MEC, MEHL leh Military hmaraw Company te sum che velah endiktu pawl an din a. Chu pawh chu ram hrang hrang hriatpui a ni tawh bawk.
Hmanni lawk khan England sorkar chuan U Ti Zah-a, Thu (ထူး) Company nen indawr thin chu an dang chat rup a. Chutiang vekin EU chuan Military Council hruaitu lawkte leh Company zawng zawng an tihtawpsak bawk a.
Tun hnai lawk pawh khan, chutiang vekin Canada, US, EU, UK ten a hawisan vek a.. Australia leh Newzeland te pawh kan nawr mek bawk a, an kharsak duh loh chuan sum leh pai a la lut leh theuh ang a, ralthuam lei nan a hmang leh ang. Tun thla 7 thla 8 chhunga kan hlawhtlinna hi thahnem tham tak a ni.
Tunah hian NUG-ah Bama leh a ram leilung fa, Tlangmi te kan insuih khawm tha tawh hle a. Mupuite hian khawi hmunah pawh he Revolution hi Generation Z atangin CDM thlengin kan bei mek a.
UN thuthlukna pawh Myanmar Military Council te hnenah ralthuam hralh loh tur tih a ni tawh a. Hei pawh hi ram hrang atanga hlawhtlinna lian tham tak a tling a ni.
