May ni 14-a Yangon Mingalardon Airport-a an man tak Danny Fenster chu Sipai ten Military-te zah loha puhin Section 505 A-in nimin piah khan thubuai an awrh belhtir leh a.
October ni 4 ni khan Court-a inlan turin Insein Jail atanga lak chhuah a nh thu a Ukil Tant Zaw Aung chuan a sawi.Danny Fenster hi Fronyier Myanmar News leh Ecomomy Magazine Chief Editor niin February thlaa Military Council ten thuneihna an lak avang khan May thlaa US-a a chhungte hnena haw tumin Yangon Airport-ah man a ni a, thubuai siamsakin Insein Jail-ah hruai luh tak kha a ni.
Nimin piaha Court-a, a inlan hnu hian Journalist lamah over taka a che tia puhin thubuai awrh belhtir a nih thu Sipai thu puangtu Major General Zaw Min Tun chuan, kar kal ta khan a sawi.Danny Fenster hi Tan inah rilru leh taksa lamah a hriselna a tha vak lo tiin thuthang a awm a. A chhungte an ngaih a tha lo hle a, Yangon base, Amdassy te pawhin an hmuh theih loh thu hriat a ni.
