Engkim mai hi ka chan dawn tih ka hre sa tawh asin, ka Nu.I fapa a Nu kalsantu che hi ngaidam ngai suh ang che aw.Mipuite tan kawng dik ka thlang tih hriain ka inchhir lovang, a tawp thlengin ka kal zel dawn.
I fapa hi indo dan zawng zawng thiam vek turin min phalsak la,Revolution sipai dangte pawh venhim theihna min pe la,Dictatorship ui hum zat lek hi phawi chhuah theihna min pe la,Mipuite in leh lo, rohlute venhimsak theihna min pe bawk ang che.
Tlang mite telna Federal Union State chu ka kut leh ke ngeia tundin theihna min pe rawh ka Nu,Ram pum hi khaw lohna ata khai chhuak a, a zalen theih nanChung khaw lohna dodal mek kei leh ka sipaipuite ei tur chaw ka dil duh a,Keima hrawk puar nana dil ka ni loI rin theih nan mipui sipai ka nihna dik tak hi ka rawn pho lang a ni
Thla 5 chhung zet be lova ka hawisan che hiMin hrethiam dawn nia ka Nu, Nu leh pate en lovin, mipuite chiah ka lo en a tin ni,Chuvangin ka Nu, i tihsual a awm lo, i fapa tih sual vek zawk a ni,Nu leh pate kalsan nih aia channa nasa hi engmah a awm tawh lo, Revolution a hlawhtlin Ni-a Ka la dam a nih ngai chuan, Hawna tur In ka nei ve lo tih mai loh chu engkim a tha e, ka Nu
Ka Nu ka hmangaih lutuk che.
By Shine Htet Zaw (30.9.2021)
