National Unity Government (NUG) chuan Min Aung Hlai chhungkaw sumdawnna hnate leh sipaite hnuaia hna thenkhat chu firfiak sumdawnnaah puan hnanin, chung sumdawnnaa tel ve tupawh hremna pek an nih tur thu NUG sorkar chuan thuchhuah a siam a ni.
Kum 2021, February ni 1-a tangin, Union of Myanmar rorelna sorkar thuneihna chu hnehchhuh a, sipai Chief Commander nihna chelhtu General Min Aung Hlai leh a pawlten sipai chunga thuneihna leh thiltihtheihna chu dik lo taka hmangin, General Min Aung Hlai leh a military council hming invuahten ram thuneihna lak an tumna lamah ram hmelma nihna sual lian tak an tih bakah chung thil sual dodaltu mipuite chu kawng hrang hranga thah, man, nghaisak, rukbo leh mipui thil tihchhiat, ruk leh rawkin firfiak taka thil tihna chu an la ti chhunzawm reng a ni tiin NUG chuan a tarlang a.
Ram laka helna leh war crime pawi khawih mek General Min Aung Hlai chuan thil inawm lo tak mahni sipai thiltihthiehna leh chakna chu hmang khaw lovin, mahni chhungkaw tana sumdawnna hna a kalpui thu Ministry of trade & commerce department lam endiktu director lam office-in an hmuh chhuah vek thu pawh tarlan tel a ni.
Chung ram laka helna leh war crime thil sual ti mek General Min Aung Hlai leh a chhungte sumdawnnate chu firfiak sipai hna thawk nia puan a nih thu hriat a ni a. Chung sumdawnna conpany hmingte chu:-
1. A & M Mahar Foods and Medical Products Company2. Sky One Construction Company3. The Yangon Restaurant၊ Yangon Gallery 4. Everfit Company 5. Seventh Sense Company Limited 6. Stellar Seven Entertainment Company Limited7. Azura Beach Resort (Chaungta) 8. Aung Myint Moemin Insurance Company9. Mytel Communication Company 10. Bone Myat Pyit Sone Company Limited (Bone Myat Pyae Sone Trading Company Limited)11. Kan Taya Hospital12. JOOX MYANMAR Music platform13. Pullman Hotel Mandalay14. Ngein Chan Pyit Sone Highway Terminal (Yangon-Yakhine)15. Moe Kaung Yatana Mother & Child Specialist hospital te a ni.
Heng firfiak sipaite nena sumdawnna thawk ho, hming puttirtu te, director board-a tel te, share holder-te, staff te, sumdawnna lama thawhhona nei te chu international law leh a kalphung hmangin an chungah hremna pek a nih tur thu NUG hnuaia Ministry of Trade & Commerce department chuan thuchhuah a siam a ni.
