Myanmar, India, Nepal, Bangladesh, Pakistan leh Sri Lanka ram atana khual zin lutte Singapore ramin a khuahkhirh hnuah tun hnaiah a rama luh phalna a pek tur thu hriat a ni.
Tun hnam chuan Myanmar, India, Nepal, Bangladesh, Pakistan leh Sri Lanka ram ani 14 awm leh zin veivakte chu Singapore ramah October ni 26 atanga ram chhung luh phalna emaw chawlh phalna pek an nih tur thu Singapore thuneitu lamin an puang a.
Mahse, zin veivake chu Singapore ram chhunga ramri kante tana ruahmanan a siam ang chi 4 an zawm a ngai dawn a, chutah chuan ram chhunga rawn lutte chu hun engemaw chan quarantine luh a ngaih bakah PCR test vawi khat an neih a ngai dawn a ni.
Chutiang bawkin Thailand chuan November ni 1 atangin ram hrang hrang 46 atanga zin veivakte chu a ramah quarantine ngai lova luh phalna a pek tur thu Thai foreign Ministry chuan tun hnai khan a puang a.
Chung Thailand ram chhunga luh chhuah phalna a pek ramte chu America, Japan, China, Britian, Australia, Singapore, Malaysia, Brunei leh Cambodia ramte a nih rualin Thailand ramri Myanmar chu a tel ve loh a ni a. A awmzia chu Myanmar khua leh tuiten Thailand ramah an zin dawn a nih chuan Covid-19 vaccine lak hnuah pawh Hotel-ah kar khat chhung quarantine-a an awm la ngai dawn tho tihna a ni.
Thailand ram chuan ram chhunga Covid hri inkaih darhna a tlak hniam tak deuh avangin, tourism lama hmalak chhoh leh nan, Bangkok leh Phukhet beach telin state 17-ah October ni 31 atangin zan lam chhuah khapna curfew chu hlih a nih dawn thu hriat a ni.
