Sagaing region Yimahgyi dilah China ram siam Nanchang A-5C Fantan jetfighter pakhat, a khawl chhiat vanga a tlak thu Military council sipai lamin thuchhuah an siam.
Sagaing region, Sagaing townshiop, Yimahgyi Dilah jet fighter pakhat chu nimin chawhma lam dar 11 vela a tlak thu tualchhung miten Khit Thit Media an hrilh a.
Tualchhung mi pakhat chuan, “Jet fighter pakhat chu Yimahgyi dilah a tla a. Nimin chawhma lam dar 11 velah vawi 3 ring takin a puak a. Dill ai velah a nih avangin, a hmuh theih loh a, thlawh dang pakhatin a chungah thlawkin a zawng mek a ni,” tiin a sawi.
Sagain region chhunga awm pakhat pawhin, “Sayi khuaa Ambulance leh kangthelh motor te chu a hmun panin an kal tawh a. Jet fighter a tla niin an sawi,” tiin Khit Thit media a hrilh bawk a.
Sipai lam source pakhat pawhin jet fighter tlak chungchangah a khawl lam fel loh vang nge kah tlak a nih zawk tih chu finfiah a la nil ova, jet fighter tla chu Nanchang A-5C Fantan, China siam a nih thu a tarlang a. Sipai lam chuan vawiin chawhma lam dar 10:43-a a tlak thu leh a khalhtu (pilot) chhanchhuah tuma an buaipui mek thu thuchhuah an siam a ni.
He Jet fighter Nanchang A-5C Fantan type khalhtu pilot thi ta hi Captain Hein Htet Aung niin nupui a neihna pawh a la rei lova, a ni hi Operation Spitfire pawl ten Myanmar Airforce pilot mipui te vansang atanga bomb leh silaia bei thintu list an khawnkhawm an puanzar zinga mi a ni.
Hetiang thlawhna hi 2011khan Pakistan Airforce ten an hmang thin a, an hman hlui hi chei thar in nikum khan Burma Airforce hnenah Pakistan sorkar in 10 vel a rawn pe a, Pakistan Air Marshall pawh Burmaah a rawn nghe nghe a ni. Hetiang hi Bangladesh sorkar pawh in a hmang ve a Pilot chaih chuan theihna one seater jet fighter a ni. China ram Nanchang Aircraft Manufacture Co.Ltd siam a ni a, he company hian a lo siam tawh a ni.
March 2015 khan Myanmar Air Force ten A-5C jets hmangin Burma sipai laka hel pawl Burma National Democratic Alliance Army(BNDAA) ten bu an khuarna hmun chu an va bei chiam tawh a, Burma pilot te tlaw lutuk in an target an ti fuh thei lova, Burma ramri pelin Chinese ram chuung Gengma County, Yunnan province -ah bomb an va ti tla palh a, Chinese 4 thi in in a kang chiam tawh a, PLA ho thin rim chuan HQ-12 surface-to-air missiles hmang fighter jet nen an um a, bak lengin Burma pilot te chu an rawn thlawk haw tawh bawk.
