Military council Airforce Captain CDM zawm Naypyidaw, No. 45 Intelligent Air force pawla hotu Zyi Tu Aung chu ni 15 khan Demosoe Mipui venghimtu pawl (PDF) lamah a tlan lut a. Kum 17 zet sipaia tang tawh a nih rualin Air force lam atanga mipui lam tang CDM officer hmasa ber a ni. Ani chuan Military council-in air force sipai sing 2 vel a neih thu leh indona chungchanga hriat tur pawimawhte a sawi a; chu mi chungchanga zawhna leh chhanna (interview) hi lo ngaithla ila.
Zawhna: Sipaiah kum 17 zet I sevice tawh a, tuna CDM I rawn zawm chhan leh engin nge tihtir che min hrilh thei em?
Chhanna: Min nawrtu ber chu mipuite an ni. Entir nan Sagaing leh Thantlang buaina ang chi a ni a, tun hma atanga ka lo duh tawh loh chu ka la duh lo reng a. Mipui lamin harsatna an tawk chhunzawm zel a, hetianga kal reng hi a theih loh. Kan buai zual zel dawn a. Ram chhung buainaah hian inbiak pawhna kan nei vek a, eng nge thleng kan hre vek a. Mahni ngaihdana kal chu ka hriatthiampui tho a ni.
Hetianga kan rawn chhuah chauhin, kan mi leh sate chu he indona lak atangin an tuar nep ang a, a tawp hma bawk ang. Kan rawn chhuah theih mai loh nachhan chu keini lamah pawh chhungte, vengte an awm a, chungte avangin rawn tlan chhuah hi ngaihtuah chhungin a rei ta deuh a ni.
Tin, kan rawn tlan chhuah hnuah khaw lama awm kan chhungten eng harsatna nge an tawh dawn tihte chu ngaihtuah a ngai a. Chuvangin, tunah pawh ka fapa leh ka nupui chu ka rawn hruai chhuak nghal a ni.
Zawhna: A nih, CDM zawm a, mipui lama in tan takah chuan tuna I dinhmunah enge sawi duh I neih?
Chhanna: Buaina engmah awm lovin, min tanpui liam liam a, tunah chuan awm dan tur pawh ka thiam tawh. Hriat ngai loh hmun leh hriat ngai loh mite nena han awm rei takah chuan kan lo innel a, kan thlenna chawlhkar hnih chhungin chhungkhua angin kan awm reng tawh a ni.
Zawhna: Air force lamah sipai engzat nge awm? Nam San air base camp-a commander te nen in rawn chhuak rual em ni?
Chhanna: Air force-ah hian sipai 15000 atanga 20000 vel chiah an awm ang. Kan rawn chhuak rual lo, a hranin a ni. Mahse, anni nen pawh kan inbe pawp reng a. He revolution tih hlawhtlin theih nan a kila lung angin kan theihna zawn zelah kan thawk ang a, Captain U Nyi Tu Ta te nen pawh an tum ram thlen ngei theih nan thawh ho kan tum bawk a ni.
Zawhna: Karenni state-ah Military council lamin ni tin indo thlawhna hmangin a bei reng a, thingtlang khaw thenkhat leh raltlante awmna pawh khawih tel a ni thin a. Kachin leh Kokan, Shan hmar lama indonaah khan jet fighter-in a hnuaia a sipai puite an kap fuh nual a, kha kha CDM an zawm vang a ni thei em?
Chhanna: A rin dan chuan hnuai lam atanga an kawhhmuhna hmun map dik loh vang a nih ka ring. Tin, van boruak atanga bomb thlak dawn chuan a hniam thei ang bera atanga thlak chauhin a fuh thin a, mahse Pilot ten an mahni sahimna ngaipawimawh zawkin hmun sang tak atangin target an bi tum a nih chuan a a fuh mawh hle a ni.
Chuvangin, ka hmuh dan chuan a hnuai lam atanga an rawn kah ve bawk avangin an thlawk hniam ngam lo a nih rualin, lei lam atanga kawhhmuhtuin map a pek sual vang te, a pek sual luih vangte pawh a ni thei a.
Chutih rualin a khalhtu pilot chungah pawh a innghat thui hle a. A chhan chu indo hmun nena a inhnai lai ber leh thlawhna speed a chak lai taka a thutlukna siam chhe tea a lo dik loh deuh hlek a nih pawhin hnuai lamah chuan feet 300-400 inkar velin a dik lo thei a. A nih loh vek pawhin pilot ngeiin a duhna hmun an sipaite chungah a thlak pawh a ni thei ang.
Zawhna: Indona a chhuahin eng ang dinhmun hnuaiah nge jet fighter hi koh chhuah a nih thin?
Chhanna: He thil hi chu ral hmatawnga awm operation commander-te leh LIB commander-ten dinhmun chhe zawk leh chak dawn lova an inhriat hunah laipui lama tanpuina (back up) an dil thin a, awmzia a neih loh chuan Regional Commander, Area Commander te recommend-na lain an jet fighter tanpuina an dil thei chauh a. An dilna chu phalsak a nih dawn leh dawn loh chu Regional Commander thutlukna a ni a, a remtih chuan Air base lam phone-in, map pek a ni a, chu mi hnu chuan van boruak lam atanga rawn beih zui nghal a ni thin.
Air force sipaiten an han kap a nih chuan pilot leh hnuai lama awm sipai commander te inkara inbiakpawhna Airbag ken tel a ni a, chu chuan lei atanga mel 5 inkara thleng a inbiak pawhna a thlunzawm thei a. Chu mi hmangin kahna hmun tur target te an inhriattir thin a ni.
Zawhna: February ni 27 zing lam leh ni 28 khan Demosoe thlang lama Lubakhu khua chu bomb thlak a ni lo a, engvanga thlak loh nge a nih?
Chhanna: Ka hmuh danin, chu mi atan MPA (enthlakna thlawhna) an hmang a nih hmel a. Zan lamah chuan MPA thlawhna a thawk thin a, ATR 42 hmanga siam a ni. Chu chuan mihring taksa lumna chu feet 10000 atanga 15000 thleng, a hre thei a ni. Chu chuan mipui awm khawm a hre thei tihna a ni a, chutianga hriatna a neih chuan bomb a thlak thin a. Chu chu a chhan a nih hmel.
Zawhna: Chutianga mihring taksa lumna anga bomb thlak tur ni se, khaw chhungah mihring taksa lumna a awm deuh zel si a, engtin nge ni ang?
Chhanna: Indona hmunah chuan chung MPA thlawhnain darkar 6 chuang zet a thlawk kual thei a. Entir nan, inkahna hmun chu raltlanten an tlan chhiatsan tlang pui a, chung hmun te pawh chu a bei thut thei tho a ni.
Zawhna: Eng hunah nge entiang jet fighter, helicopter nge hman a nih a, eng ang bomb nge hman a nih thin?
Chhanna: Inkahna hmun chu a zim a, hmelhmaten an rawn hnaih hle a nih chuan, Mi32p jet fighter chu hman a nit lang pui a. Chutih rualin hmelma ten an hual vek tawh a, an dang chat vek tawh a nih chuan, yak-130 emaw MiG-29 emaw A5 a nih loh leh A8 jet fighter te hman a ni.
Tun hnuah sipaiho sawn chhuah a ngaih chuan Mi-17 hmanga thiar chhuah a ni thin a. Chutih laiin a him tawk lo a nih chuan Mi35p te pawh a rawn tel thin a ni.
Zawhna: Nan Me Khon-a bomb thlaktu kha eng ang chi nge? February ni 14 atangin a kap thin a, tunah ni 13 chuang a kap tawh a, force a chuang a liamin a hmang a, min hrilhfiah thei em?
Chhanna: A chhan ber chu lei lama sipai kal theih lohna hmun a rawn clear-sak a nib er a. Bomb (missile) ang chuan meter 100 huam chhung vel chiah a kap thei a, a tam lua lo. Mahse, bomb a thlak chuan a cover chin chu a zau ang reng a, a ring hle bawk a ni.
Bomb thlak a nihna meter 500 bial chhunga a ri hria, beng darte chu a khawih chhe thei a. Chtianga awm mite tan a thlak tlangpui bawk a. A bomb hman pawh pound 500 vel ang chi a ni.
Zawhna: Sagaing, Yimagyi dila tla jet fighter kha a che sual nge, kah thlak?
Chhanna: Kha lama inzira thlawk chhuak a nih angin, a inzir laia tla a nih hmel. Kha thlawhna a tlak laiin he lamah ka lo awm tawh avangin, chanchin kimchang ka hre hre lo. A nihna takah chuan, indo thlawhna a thlawh chhuah dawn apiangin engkim check thin a ni a. Mahse, chutianga ti tur sipaiten lei lam sipaite security pawh an lak tel thin avangin, an check vek thei lova; chutah chuan heng thlawhna tla ang chi chu a awm thei lutuk a ni.
