Yangon khawpui leh khawpui dang tiamin ei leh in chi hrang hrang chenna in thlenga sem thin Foofpanda-a thawk ten an sem na man a zatve aia a kiam tak avangin hnathawktu tam zawk ten an chawlhsan a, kawngzawh an dil thu Foodpanda hnathawktu pakhat chuan a sawi.
‘A tirah chuan oder fee-ah 500 atangin 600 chuang 900 a nih laiin March ni 16 atang khan 200 chauh a ni a, 100 chauh dawng te pawh an awm. Chu pawh chu a kim biaia dawng an awm loh bakah pun leh tura an intiamkam pawh an puitlin chuan loh avangin hnathawktu ten kan chawlhsan a, Hna a vang bawk a, an thawk leh tho tho ang tih rilru puin hlawh chu zaa 70% velin an tihniam tawh a ni,” tiin kawngzawh tum zinga mi Foodpanda hnathawktu pakhat chuan BBC a hrilh.
Tun dinhmunah chuan Yangon, Mandalay leh khawpui thenkhatah Foodpanda-a hnathawk ten ni 4 lai an chawlhsan tak avangin ei in dawra supply chungchangah harsatna an tawh thu hriat a ni.
Myanmar lam Foodpanda atangin March ni 16 atang khan Technology chian loh avangin hlawh tihkiam a nih thu leh chawlhkar khat hlawh hi pek kim a nih dawn thu March ni 18 khan thuchhuah an siam.
‘Technology lam chiang lo an tih pawh hi chu ti vak a ni lem lo. Hlawh kim kan dawng bawk si lo. Heng chungchang thu hi member Maktaduai 6 vel awmna Social Media-ah pawh tar lan a awm bawk si lo.
Nimin Zirtawpni khan chawlhkar khat hlawh la te pawhin a kimin an dawng lo nual a. Ram boruak a that loh bakah hetia hlawh pawh kan dawn kim theih loh chuan eng nge kan tawh tak ang. Chu dinhmun chu hriain an tilui a ni tiin Foodpanda hnathawktu pakhat chuan BBC a hrilh.
Yangon khawpui chhunga chenna in thlenga ei in semtute Foodpanda-a hnathawkte hi eichawp te te an ni hlawm a, Thirsakawr hmanga veivak thin te an ni tlangpui a. An nawrhna hi zirlai insuihkhawm pawl leh revolution pawl te hnenah an zualko thu hriat a ni.
Myanmar lam Foodpanda thubuaiah hian BBC-in a zawhna te chhangin hlawh pek kim tur kan tih mek laiin thil man a san chhoh zel vang niin an sawi a. Hlawh a pun theih nan BBC chuan a nawrsak hial a ni.
BBC-in an ngiatna chungchangah March ni 19 thleng khan Foodpanda te a biaknaah chhanna a la awm rih loh thu hnathawktu pakhat chuan a sawi.
