Kalaymyo chheh vel, Herion chinna hmunah thalaite hnathawk an tam sawt hle tih hriat a ni a. Ram chhung boruak a that loh avangin thalai ten hnathawh tur an nei lova, Herion chinna lamah an inhlawhfak nual thu Kalay ruihheihthil lama thuneitu pakhat chuan a sawi.
Kum 2021 atang khan hna nei lo an pung sawt hle a. Tunah rih chuan thil rate man a sang chho zela, Khaw chhunga kut hnatawktu ten hna an neih tawh loh avangin Herion chinna lamah an in papek hlawm tawh a. Hetia an thawhna chhan pawh hi Khaw chhunga in hlawhfak aiin Herion chin lamah a hlawh a san zawk vang a ni.
Mipa ten Khaw chhungah Daily-a K.8000 an hlawh laiin K.10000 an hlawh theih bakah kal lam leh haw lam senso an tumsak bawk a. Hmeichhia an nih chuan Khaw chhunga mi khatah K.6000 an hlawh thinnaah K.8000 an hlawh a. Henga hnathawktute hi kum 15 atanga kum 22 mite an ni tlangpui.
Heng mite hi Zirna School a awm loh avang leh hnathawh tur neih tawh loh avanga hlawkna uma Herion chinna lama inhlawhfa Thalai rual an tamna chhan chu a ni a.
Tawnzang-ah chuan hmun 35-a hmun 20 vel chu a Khawpumin Herion an ching hlawm a. Chenna in 10-ah in 2 ching ang tluk an ni. Khaw thenkhatah chuan chenna in 10-ah in 5 an ching hial a ni.
Hetia hnathawktu a lo pun zel siah chuan Tawnzang bakah Tedim, Kalaymyo, Tamu, Khampat Leilet hmun velah sawmtu an awm nual thu tualchhung mi pakhat chuan a sawi.
