Sagaing region, Kalaymyo chhim lam, Chuangkuah khua meia hal chhetu, firfiak military council sipaite leh tualchhung PDF tangrualte inkarah April ni 25, chhun dar 12 velah inkahna a chhuak a, sipai lamah thi an awm nual thu VAKOK (CNDF) pawl hnen atanga hriat a ni.
VAKOK (CNDF) commander chuan, “Dar 12 velah inkahna a chhuak a. Keini VAKOK (CNDF) bakah mipui sipaite, RKDF leh PDF-Kalay ten min rawn tanpui a. PDF-Kalay pawl nen bomb kamin kan bei a. An sipai motor te chu a invawrh leng a. ပျူစောထီး motor pawh bomb-in a fuh a, vawiin inkahna chu a manhla khawp mai. Kan silai kah chhuah leh kan bomb tihpuahah an thi nual ang. Keini lamah ပ.က.ဖ-a mi pakhat a thi a, pahnih an hliam a, ngaihtuah erawh an ni lo,” tiin Khit Thit media a hrilh.
Nimin lamah pawh inkahna vawi 3 a chhuak a, firfiak sipai 10 vel an thih thu leh sipaite chu Nat Chaung khuaah zan khat an riah hnuah a tuk zingah Chuangkuah khua lutin mei an hal ta a ni.
VAKOK (CNDF) commander chuan, “Zing lam dar 10 vel atangin sipaite an chhuak tawh emaw tiin Chuangkuah khaw chhungah kan lut a, sipaite an lo la chhuak lova, feet 200 vel atangin min rawn kap a, min kap fuh lo hlauh a, a vanneih thlak khawp mai. Kan tawlhsawn nghal a, chhun dar 12 velah kan inkap tan leh a. Tun tuma Natchaung meikang chu a tlem deuh a, Chuangkuah erawh a kang nasa ang reng hle a. A hmun hma kan la thenfai chiah loh avangin chanchin kimchang kan la hre thei lo,” tiin a sawi leh bawk a ni.
